Tuairisciú ar Inbhuanaitheacht

Tá sé fíorthábhachtach dúinn faisnéis ábhartha chuntasach a roinnt faoinár gcleachtais ghnó, ár slabhra soláthair agus ár ndaoine mar go gcuireann sé ar ár gcumas ár ndul chun cinn ar rianú, a bheith cuntasach as ár n-uaillmhianta agus foghlaim ónár ngníomhartha. Le tuairisciú rialta chuig eagraíochtaí agus comhlachtaí, déantar measúnú, targarmharcáil agus deimhniú neamhspleách ar ár ndul chun cinn. Ansin glacaimid na bearta cuí le feabhas a chur nuair is gá ar ár bhfeidhmíocht. Tá an bealach a dhéanaimid tuairisciú ag forbairt i gcónaí, de réir mar atá na leibhéil tuairiscithe intíre, AE agus domhanda ag athrú.

Tuairisciú domhanda

• TNC (CDP Tionscadal Nochtadh Carbóin)

​Nochtaimid faisnéis chomhshaoil trínár dtuairisciú bliantúil TNC. Ba chúis áthais dúinn in 2022 gur fhanamar sa 3ú háit in Éirinn maidir le hAthrú Aeráide agus gur ardaíomar ár scór foriomlán ó B go A-. Táimid tiomanta i gcónaí do bheith rangaithe sa 5 is fearr le haghaidh CDP in Éirinn.
• EcoVadis
Is ardán domhanda é EcoVadis do rátálacha feidhmíochta comhshaoil, sóisialta agus eiticiúla. In 2022 choinníomar ár mbonn Cré-umha le scór sa 66ú peircintíl sa Rátáil Inbhuanaitheachta EcoVadis. Beidh feabhsú leanúnach á dhéanamh againn ar ár mbeartais d’fhonn ár sprioc Bonn Airgid a ghnóthú.
• GRI (Togra Tuairiscithe Domhanda)
Is é an GRI an creat caighdeánach  a ndéanann cuideachtaí tuairisciú ina leith ar fud an domhain. Tá faisnéis mhionsonraithe faoin gcaoi a bhfuilimid ag ailíniú le GRI ar fáil san Aguisín ar leathanach 67.
• SBTi (Tionscnamh Spriocanna Eolaíocht-Bhunaithe)
 Mar chuid dár dtacaíocht do Bhille Aeráide na hÉireann agus do Chomhaontú Pháras 2015 táimid tiomanta don SBTi agus is sinne an t-aon chuideachta lóistíochta go dtí seo in Éirinn atá tiomanta dó. Táimid tiomanta do na spriocanna 1.5°C do Scóip 1 agus Scóip 2 agus “i bhfad faoi bhun 2°C” mar sprioc do Scóip 3. Tá an próiseas bailíochtaithe á dhéanamh againn faoi láthair le SBTi agus tá súil againn an próiseas seo a chur i gcrích in 2023.
• TCFD (an Tascfhórsa um Nochtadh a bhaineann leis an Aeráid)
Tá TCFD (an Tascfhórsa um Nochtadh a bhaineann leis an Aeráid) dírithe ar thuairisciú faisnéise airgeadais a bhaineann leis an aeráid, amhail rioscaí agus deiseanna a bhaineann leis an aeráid, agus is céim chun tosaigh é freisin i dtreo riachtanais CSRD a chomhlíonadh. Tá ár nochtadh TCFD ar fáil ar leathanach 73.
• TNFD (Tascfhórsa ar Nochtadh a Bhaineann leis an Dúlra) atá dírithe ar rioscaí a bhaineann leis an dúlra. In 2022 rinneamar measúnú gnó agus bithéagsúlachta d’fhonn ár straitéis bhithéagsúlachta a fheabhsú de réir riachtanais TNFD. Ba é seo an chéad mheasúnú dá leithéid in Éirinn agus tá na sonraí ar fáil ar leathanaigh 47-48.
• UNEP FI - Prionsabail maidir le Baincéireacht Fhreagrach
In 2021, shínigh muid na Prionsabail maidir le Baincéireacht Fhreagrach. Mar chuid dár dtiomantas don chreat baincéireachta inbhuanaithe seo, tugaimid tuarascáil bhliantúil ar an gcaoi a bhfuil ár straitéis, ár gcinnteoireacht, ár n-iasachtú agus ár n-infheistíocht ailínithe againn leis na SFI agus le Comhaontú Aeráide Paris. Tá faisnéis mhionsonraithe maidir lenár ngealltanais UNEP a fháil san Aguisín ar leathanach 76.
• Comhshocrú Domhanda NA
 In 2010 shínigh muid Comhshocrú Domhanda na NA agus is cuid lárnach dár dtiomantas tuairisciú bliantúil a dhéanamh ar ár ndul chun cinn maidir leis na Deich bPrionsabal agus na Spriocanna Forbartha Inbhuanaithe (SFI) a leabú inár ngnó. I mbliana bhí An Post ar cheann de cheithre chuideachta Éireannacha a dheonaigh ár n-ardán tuairiscithe digiteach nua a thriail mar chuid de Chlár Luathghlacadóra Chomhshocrú Domhanda na Náisiún Aontaithe.

Tuairisciú Eorpach

•  CSDDD (Treoir um Dhícheall Cuí Inbhuanaitheachta Corparáideach) a tuairiscithe nua seo go dtabharfaimid aghaidh ar dhrochthionchair inár slabhra luacha. Tá measúnú á dhéanamh againn faoi láthair ar na himpleachtaí agus tá bearta á ndéanamh againn chun feabhas a chur ar bhainistíocht ár soláthraí mar ullmhúchán do na riachtanais tuairiscithe seo.
• CSRD (Treoir um Thuairisciú Inbhuanaitheachta Corparáideach)Táimid ag ullmhú le haghaidh tuairisciú éigeantach CSRD le cinntiú go bhfuilimid réidh le tuairisciú i gcomhréir leis na ceanglais atá inár dTuarascáil Inbhuanaitheachta 2025
• Tacsanomaíocht AE

Táimid ag obair le cuideachtaí poist Eorpacha eile chun a chinntiú go bhfuil an tionscal ailínithe agus táimid ag déanamh gníomhaíochtaí ullmhachta mar ullmhúchán dár dTuarascáil Inbhuanaitheachta 2025.

Tuairisciú intíre

•  Creat um Ghníomhú ar Son na hAeráide

​​Tionscnaíodh an Creat um Ghníomhú ar son na hAeráide in 2022 don earnáil tráchtála leathstáit d'fhonn aghaidh a thabhairt ar chuspóirí gníomhú aeráide. Cheana féin, tá an mhórchuid de na tiomantais sa Chreat á gcomhlíonadh go deonach ag An Post.
• Córas SEAI M&R (Monatóireacht agus Tuairisciú)
Déanaimid tuairisciú go bliantúil don SEAI ar ár bhfeidhmíocht fuinnimh. Mar bhreis ar an sprioc 2025 atá againn astaíochtaí ónár n-oibríochtaí a laghdú 50%, táimid tiomanta i gcónaí do spriocanna 2030 an SEAI don earnáil phoiblí, mar atá leagtha amach sa Phlean um Ghníomhú ar son na hAeráide 2023:
• Laghdú 51% a bhaint amach ar ghlanastaíochtaí carbóin (2016-2018 mar bhonnbhliain mheánach)
 • Feabhsú 50% a bhaint amach ar éifeachtúlacht fuinnimh (bonnbhlian 2009)
 
Tuairisciú tionscail
 • IPC SMMS (Córas Tomhais agus Bainistíochta Inbhuanaitheachta na gCorparáidí Poist)
Is clár tuairiscithe é seo faoi iniúchadh neamhspleách d'fhonn aghaidh a thabhairt ar chuspóirí inbhuanaitheachta na hearnála poist. In 2022, bhí An Post sa tríú háit ar domhan sa mheasúnú bliantúil, ag comhlíonadh ár gcuspóra a bheith sa 5 is fearr, don dara bliain as a chéile.