An bhfuil ceadúnas ag teastáil uait chun gnó a reáchtáil?
Is féidir leat iarratas a dhéanamh ar na ceadúnais atá ag teastáil ó do ghnó, nó iad a athnuachan, ar fad in aon áit amháin, ag licences.ie.
Cad iad na buntáistí
Laghdaigh an t-am a chaitear ag líonadh foirmeacha, agus bain úsáid as do chuid faisnéise thar il-iarratais
Íoc as ceadúnais iolracha ó údaráis éagsúla in aon idirbheart amháin
Bainistigh agus rianaigh d’iarratais i do chuntas ar líne
Stóráil ar líne do cheadúnais agus do dhoiciméid
Faigh meabhrúcháin athnuachana
Eisítear ceadúnais go díreach chugat
Céim ar chéim
Conas clárú
Cláraigh le haghaidh cuntais ag licences.ie ag úsáid d’ainm nó ainm trádála do ghnó, do sheoladh ríomhphoist agus pasfhocal. Gheobhaidh tú ríomhphost ina mbeidh nasc gníomhachtaithe
Conas ceadúnas a aimsiú
Nuair a bheidh an clárú críochnaithe, is féidir leat tosú ag déanamh iarratais ar na ceadúnais atá uait. Is féidir leat an ceadúnas cuí a aimsiú trí:
Chliceáil ar dheilbhín an údaráis cheadúnaithe
Cuardach a dhéanamh air de réir ainm sa bhosca cuardaigh
Cliceáil ar “Aimsigh” agus an ghníomhaíocht ghnó nó an t-údarás ceadúnaithe a roghnú ó na liostaí anuas
Conas iarratas a dhéanamh
Roghnaigh na ceadúnais is mian leat agus tosaigh ag líonadh na sonraí. Sábháiltear gach céim den phróiseas iarratais. Is féidir leat filleadh ar d’iarratas chun é a chríochnú am ar bith. Cuirfidh an córas in iúl duit má tá ort doiciméid tacaíochta a uaslódáil.
Conas íocaíocht a dhéanamh
Is féidir leat íoc as do cheadúnas nó do cheadúnais le cárta dochair, cárta creidmheasa, nó trí chistí a aistriú go díreach chuig cuntas bainc An Post
Cad é an chéad chéim eile?
Gheobhaidh tú teachtaireacht dheimhnithe nuair a bheidh an t-iarratas curtha isteach go rathúil. Is féidir leat sonraí a fheiceáil, d’iarratais a bhainistiú agus a ndul chun cinn a rianú am ar bith trí logáil isteach i do chuntas.
Eisíonn an t-údarás ceadúnaithe an ceadúnas go díreach chugat.
Cé mhéad a chosnaíonn sé?
Níl aon táille i gceist le licences.ie a úsáid chun iarratas a dhéanamh ar cheadúnas. Íocann tú an ghnáth-tháille do cheadúnais nua nó d’athnuachana, mar a shocraíonn na húdaráis cheadúnaithe ábhartha.
