Ní féidir linn do phost a chur ar ais chugat ach murar féidir linn é a sheachadadh chuig an seoladh.
 
Ullmhaíodh post idirnáisiúnta a seoladh sular thosaigh tíortha aonair ar shrianta COVID-19 a chur i bhfeidhm mar is gnách, agus tá sé fós ag fanacht le bheith curtha thar lear.
 
Táimid ag iarraidh na hearraí poist idirnáisiúnta go léir a sheoladh agus a sheachadadh a luaithe is féidir, ach féadfaidh na seirbhísí seo a bheith faoi réir ag srianta nó moilleanna áirithe mar gheall ar an bpaindéim.
 
Le hiarracht a dhéanamh a leithéid de staid a sheachaint, níl ár n-oifigí poist ag glacadh faoi láthair le post chuig tíortha nach féidir leo glacadh leis mar gheall ar na srianta reatha.
 

Tá. Má tá tú ag súil le post idirnáisiúnta áfach, is ceart duit níos mó ama ná mar is gnách a cheadú don seachadadh. Cé go bhfuil ár gcomhpháirtithe idirnáisiúnta ar a ndícheall le seirbhísí a chothabháil, tá cur isteach nó moill mhór ar a lán de na naisc idirnáisiúnta a thugann post chuig An Post. .
 
Tá ár bhfoireann ag obair go dícheallach le seachadadh do phoist a chinntiú, ach tá na srianta reatha ag cur isteach go mór ar ár gcumas chun gnáthamanna seachadta a chothabháil.
 

 Mar gheall ar shrianta COVID-19, tá líon na dtíortha ar féidir linn post a sheoladh chucu ag athrú go laethúil Seiceáil ár liosta cinn scríbe go rialta le heolas suas chun dáta a fháil faoinár seirbhísí Poist agus Beartán.
 
Cé go bhfuilimid ag glacadh leis an oiread poist agus is féidir i gcónaí agus á phróiseáil, is féidir a bheith ag súil le moill áirithe. Gabh ár leithscéal mura bhfuil an ceann scríbe atá uait ar fáil faoi láthair, ach lean ort ag seiceáil an liosta, mar go ndéantar uasdátú air cibé uair is féidir linn seirbhísí poist chuig aon tír a atosú.
 

Is seirbhís é AddressPal ó An Post a cheadaíonn do chustaiméirí leas a bhaint as seoladh sa RA nó i SAM mar sheoladh poist le haghaidh orduithe ar líne ón RA agus SAM a sheachadadh.

Le seoladh AddressPal RA níl le déanamh ach d'ainm agus uimhir uathúil AP a chur leis, agus is féidir earraí a sheachadadh chuig an oifig phoist a ainmníonn tú nó é a rianú agus a sheachadadh chuig do sheoladh baile. Le seoladh AddressPal SAM, níl le déanamh ach d'ainm agus uimhir uathúil AP a chur leis, agus déanfar do chuid earraí a rianú chuig do sheoladh baile.
 
Mura bhfaigheann tú d'earra AddressPal, déan teagmháil lenár bhfoireann tacaíochta ag  addresspal.support@anpost.ie.


Uaireanta Oscailte: Luan go hAoine: 09:00am – 5:30pm

Le socruithe a dhéanamh le do phost a atreorú chuig seoladh nua, gabh chuig  ár leathanach atreoraithe mar ar féidir leat atreorú a shocrú nó a athnuachan.

Tosóidh tú ag fáil poist atreoraithe cúig lá oibre ar a laghad ón am a fhaighimid d'iarratas.
 

Má tá tú le bheith as baile, is féidir leis An Post do phost a choinneáil sábháilte duit go dtí go dtiocfaidh tú ar ais.
Seirbhís gan stró is ea MailMinder a thabharfaidh aire do do phost agus tú as baile, in Éirinn nó thar lear. Cuireann sé seachadadh poist chuig d'áit chónaithe ar fionraí ar feadh suas le 12 seachtain.
 
Comhlánaigh d'iarratas MailMinder ar líne nó íoslódáil  foirm iarratais  (PDF, 507KB) agus íoc as an seirbhís i d'oifig phoist áitiúil.

Mura mbíonn seoladh fillte ar an gclúdach, agus mura mbailítear an t-éara laistigh den am atá sonraithe thuas, tarlaíonn an próiseas a leanas:

• Cuirtear earraí intíre gan seoladh fillte ar an gclúdach chuig Ionad Náisiúnta na Litreacha Aischurtha.
• Osclóidh Ionad Náisiúnta na Litreacha Aischurtha an t-earra agus cuirfear ar ais é má tá ainm agus seoladh an tseoltóra laistigh, a fhad is nach nuachtán, iris nó fógraíocht atá ann.
• Mura mbíonn seoladh fillte san earra, agus má tá luach maoithneach, dlíthiúil nó airgeadais ar an ábhar, coinneoimid é in Ionad Náisiúnta na Litreacha Aischurtha ar feadh trí mhí féilire, agus déanfar diúscairt air ina dhiaidh sin.
• Cuirtear earraí ón iasacht ar ais chuig seirbhísí poist na dtíortha as a dtáinig siad.

Má tá post le haghaidh seoladh eile seachas do sheoladh féin á fháil agat, cuir na sonraí chugainn ar  fhoirm teagmhála. 
Is féidir fadhbanna le seachadadh a thuairisciú freisin ach glaoch ar +353 (1) 705 7600 agus cuirfimid duine amach lena bhailiú uait.

Más é sin is fear leat, is féidir foirm fiosraithe a fháil ag oifig phoist nó oifig seachadta áitiúil

Spreagann An Post ár gcustaiméirí le Éirchód a úsáid ar gach seoladh nuair is féidir. Níl sé riachtanach go mbeadh Éirchód agat agus earra á sheoladh agat, ach nuair a chuirtear ceann sa seoladh cinntíonn sé gur féidir leis an seachadóir poist an láthair chruinn a aimsiú. I ngach cás, bíonn sé riachtanach i gcónaí seoladh iomlán fisiceach a chur ar gach earra. Cuartaigh Éirchód nó seiceáil go bhfuil an seoladh ceart poist agat.

In Éirinn, tá ceart reachtúil ag foireann Chustaim na gCoimisinéirí Cánach gach beartán a thagann isteach ó lasmuigh den AE a scrúdú. Féadfaidh na Coimisinéirí Ioncaim muirir chustaim a ghearradh ar an earra. Is féidir na muirir seo a íoc trí anpost.com nó i d'oifig poist áitiúil.

Déanfaidh cuid de na miondíoltóirí na muirir chustaim a láimhseáil ar an gcuntar ar líne, agus ní bheidh muirir chustaim iníoctha agat nuair a thagann na hearraí seo go hÉirinn. Ní dhéanann miondíoltóirí eile é, agus má tá muirir chustaim á ngearradh ag na Coimisinéirí Ioncaim déanfaimid teagmháil leat, ag úsáid an fhaisnéis seolta atá tugtha ag seoltóir d'earra agus cuirfear SMS nó ríomhphost chugat (má bhíonn na sonraí sin curtha ar fáil ag an seoltóir).

Maidir le hearraí nár gearradh muirir chustaim orthu ag an gcuntar, tá táille láimhseála €3 ag An Post don chuid is mó de na beartáin a ngearrtar muirear custaim orthu, ach féadfaidh sé a bheith chomh hard le €10 i gcásanna ina mbíonn na sonraí a thug seoltóir an bheartáin míchruinn nó ar iarraidh. Gearrann An Post an táille seo le haghaidh imréiteach custam ar earraí atá á n-iompórtáil as lasmuigh den AE. Tá an táille seo de bhreis ar aon dleacht nó CBL iníoctha. Íocann An Post na muirir chustam leis na Coimisinéirí Ioncaim ar do shon.

Tá breis faisnéise maidir le muirir chustaim ar fáil ar shuíomh na gCoimiséirí Ioncaim. 

Má thug tú d'uimhir theileafóin don miondíoltóir le haghaidh seachadadh, cuirfidh An Post téacs nó ríomhphost chugat le tú a choinneáil ar an eolas faoin dáta a thiocfaidh d'earra.
Cuirfidh ár dteachtaireachtaí in iúl go bhfuil do bheartán ag triall ort agus nuair is féidir:

• Ceadaíonn sé duit do bheartán a rianú
• Ceadaíonn sé duit do sheachadadh a bhainistiú (dáta seachadta a athrú, srl).
• Insíonn sé stádas do bheartáin duit, lena n-áirítear má tá do bheartán seachadta, nó insíonn sé duit cén áit is féidir leat é a bhailiú, mura raibh sé indéanta é a sheachadadh

Má bhíonn muirir chustaim iníoctha ar d'earra, gheobhaidh tú téacs nó teachtaireacht uainn chomh maith.  Má tá tú ag súil le hearra as lasmuigh den AE, cuirfimid in iúl duit má tá muirir chustaim nó CBL á ngearradh ag na Coimisinéirí Ioncaim.
Beidh d'uimhir rianaithe agus uimhir thagartha custaim ag teastáil uainn le haon mhuirear iníoctha a íoc ar d'earra.
 
Má bhíonn aon amhras ort riamh maidir le téacs a iarrann íocaíocht ar son beartán ó An Post, is féidir leat dul chuig ár leathanach custaim agus d'uimhir rianaithe agus d'uimhir thagartha custaim a iontráil le deimhniú go bhfuil an teachtaireacht dlisteanach.

Bí ar an airdeall le gach téacs nó ríomhphost a mhaíonn gur tháinig siad ó An Post.
Tá ráig úr scéiméireachta, atá dírithe ar bhaill den phobal a mhealladh le sonraí íogaire airgeadais a nochtadh, ag teacht chuig réimse leathan gnónna, muid féin san áireamh.
 
Úsáideann na scéiméirí modhanna éagsúla, lena n-áirítear teachtaireacht téacs le rá le custaiméirí go bhfuil earra poist á choinneáil mar gheall ar íocaíocht thar téarma. Iarrtar ar an gcustaiméir gliogáil ar nasc chun an t-earra a fhuascailt. Bíonn lógó An Post ar na téacsanna agus ar na suímh bhréige gréasáin, bíonn cuma fhíor ar an dearadh don teagmháil custaiméara agus tugann siad le fios gur gá gníomhú go práinneach.
 
Iarrann An Post ar dhaoine a bheith ar an airdeall faoi scéiméireacht má fhaigheann siad a leithéid seo de theachtaireacht uainne nó ón aon ghnó nó soláthraí seirbhíse eile - institiúidí airgeadais srl. Is féidir a aithint go minic ón leagan amach nó ón teanga a úsáidtear nach teachtaireacht ionraic atá ann.
 
Má bhíonn aon amhras ort, ná gliogáil ar aon nasc sa téacs.  Téigh ina áit sin chuig suíomh gréasáin anpost.com agus iontráil sonraí do bheartáin ansin. Is féidir teagmháil a dhéanamh le seirbhísí do chustaiméirí le deimhniú go bhfuil teachtaireacht dhlisteanach faighte agat.  Ná déan aon ghníomh mura bhfuil tú cinnte go bhfuil an téacs dlisteanach.

Bíonn foinsí na scéiméireachta agus na modhanna a úsáideann na scéiméirí ag athrú i gcónaí. D'éirigh linn cheana cuid de na suímh scéiméireachta a dhúnadh. Leanann an obair ar aghaidh ach tá sé tábhachtach a bheith ar an airdeall faoin scéiméireacht i gcónaí.