Mol Slándála

Is eol dúinn go bhfuil ríomhphoist bhréige, a chuireann in iúl go bhfuil siad ag teacht ó An Post, á seoladh ag caimiléirí chuig custaiméirí. Iarraimid ar chustaiméirí a bheith ar an airdeall maidir le camscéimeanna. Is í seo an áit cheart le faisnéis agus noda a fháil a chabhróidh leat a bheith sábháilte ar líne.

Ag cabhrú lenár gcustaiméirí a bheith eolach ar chamscéimeanna

Tá faisnéis againn maidir leis na nithe ar cheart duit a bheith ar an airdeall fúthu agus cad is ceart duit a dhéanamh má chuirtear isteach ort. Má bhíonn aon amhras ort faoi theachtaireacht atá faighte agat maidir le muirir seachadta beartáin nó idirbhearta bainc tá Seirbhísí Custaiméara Poist agus Beartáin agus Seirbhísí Custaiméara An Post Money ann le cabhrú leat agus le deimhniú an bhfuil sé dlisteanach

Chat with usLiveChat

Téacs Athsheachadta Calaoiseach

Stop agus Smaoinigh - an bhfuil tú ag súil le pacáiste?
Tabhair faoi deara tuin bhagrach. Ní chuirfidh An Post iarratas bagrach chugat riamh.

Camscéim Athdhíoltóra Whatsapp

Ní dhéanfaidh An Post bainistiú riamh ar íocaíochtaí le haghaidh earraí atá ar díol ar shuímh ghréasáin athdhíoltóirí.
Ní nasc fíor chuig suíomh gréasáin An Post é seo.

Camscéim fioscaireachta ríomhphoist

1 Stop agus smaoinigh - an ndearna tú an t-ordú seo?
2 Tá an chuma ar an nasc go dtéann sé chuig suíomh gréasáin An Post ach má choinníonn tú cúrsóir os cionn an naisc feicfidh tú go dtabharfadh sé chuig suíomh calaoiseach tú.

Suímh Ghréasáin bhréagacha An Post

1 Ní chuirimid seirbhís mar seo ar fáil agus mar sin tá an fhaisnéis a thugtar anseo maidir le rialacha seachadta agus íocaíochta bréagach. Ní dhéanfaimid bainistiú riamh ar íocaíochtaí le haghaidh earraí atá ar díol ar shuímh ghréasáin athdhíoltóirí
2 Ní leathanach fíor ó ghréasáin An Post é seo

Suímh Ghréasáin Athdhíoltóra Bréagacha An Post

1 Ní chuireann An Post an tseirbhís seo ar fáil, ní dhéanfaimid bainistiú riamh ar íocaíochtaí le haghaidh earraí atá ar díol ar shuímh ghréasáin athdhíoltóirí
2 Is leathanach bréagach é seo agus ní cuid de shuíomh gréasáin An Post é.

Noda maidir le teachtaireachtaí camscéime a sheachaint

Stop agus smaoinigh! An bhfuil tú ag súil le pacáiste?
Seiceáil le haghaidh mílitriú, naisc neamhghnácha nó seoltaí neamhaitheanta ríomhphoist.
Bí ar an airdeall faoi iarratais phráinneacha a iarrann gníomhú láithreach
A chustaiméirí cuntais reatha, féachaigí ar an bhfaisnéis atá againn maidir le d'airgead a choinneáil sábháilte.

Nithe nach ndéanfaidh An Post riamh:

Glaoch ort, nó ríomhphost nó téacs a chur chugat ag iarraidh uimhir do chuntas bainc nó do shonraí cárta, ID úsáideora, uimhir PIN nó d'fhocal faire idirlín.
Táille a ghearradh ort chun athsheachadadh a dhéanamh ar do bheartán.
Seol teachtaireachta ina bhfuil aon nasc nuair a dhéantar teagmháil leat maidir le Muirir Chustam a íoc.

Cad is ceart duit a dhéanamh

Ná freagair teachtaireachtaí gan iarraidh.
Ná gliogáil riamh ar naisc sna teachtaireachtaí seo.
Coinnigh d'fhaisnéis phearsanta chugat féin - sonraí pearsanta ar nós ainm, ríomhphoist nó faisnéis chárta creidmheasa / dochair.
Féach ar do chuntas ar líne go rialta le gach idirbheart a dheimhniú.
Athraigh d'fhocal faire go rialta agus bíodh siad príobháideach.
Ná cuir faisnéis phearsanta fút féin m.sh. dáta breithe, áit chónaithe, sonraí teaghlaigh ar na meáin shóisialta.

Security FAQ's

Má rinne tú ordú ó mhiondíoltóir a úsáideann An Post mar sholáthraí seirbhísí, déanfaimid iarracht SMS agus/nó seoladh ríomhphoist a chur chugat ag úsáid na sonraí atá soláthraithe ag an miondíoltóir. Ní úsáidfear na sonraí seo ach ach chun eolas faoi do sheachadadh a thabhairt duit. Ní sheolfaidh An Post riamh nasc i ríomhphost nó SMS ag iarraidh íocaíochta ar son beartáin.

Cuirfimid Foláireamh Poist chugat le hinsint duit go bhfuil an beartán ar a bhealach agus

le ceadú duit do bheartán a rianú

le ceadú duit athrú a dhéanamh ar na socruithe seachadta

Le hinsint duit gur seachadadh do bheartán

Le hinsint duit nárbh fhéidir do bheartán a sheachadadh agus cá mbeidh tú in ann é a bhailiú

Gheobhaidh tú teachtaireachtaí SMS uainn chomh maith más custaiméir AddressPal tú. Tugann tú d’uimhir shoghluaiste duinn ionas gur féidir linn teagmháil a dhéanamh leat le hinsint duit:

Go bhfuil do bheartán réidh le bailiú ag an oifig poist/pointe bailithe atá ainmnithe agat
Go bhfuil do bheartán á chur ar ais chuig an seoltóir murar bailíodh é
Mura bhfuil an oifig poist/pointe bailithe a roghnaithe tú ar fáil

Má bhíonn muirir chustam le híoc ar d’earra, gheobhaidh tú cárta poist sa phost le sonraí faoi na muirir. Déanfaimid iarracht freisin ríomhphost agus/nó SMS a chur má thug an seoltóir na sonraí sin dúinn (miondíoltóir nó duine ar d’aithne). Ní bheidh aon nasc iniata inár ríomhphost ná i dteachtaireachtaí SMS ag iarraidh íocaíochta, míneoidh muid duit gur gá dul chuig ár suíomh gréasáin nó chuig aon oifig poist chun an íocaíocht a dhéanamh.

Má tá d’uimhir rianaithe agus d’uimhir thagartha Custam agat is féidir leat íoc ar líne anois Is uimhir uathúil dearbhú custam í an uimhir thagartha nó an Mháistir-Uimhir Thagartha (MRN) seo atá ar fáil ar d’fhógra Muirear Custam ó An Post. Is féidir an fógra seo a sheoladh in SMS, ríomhphost nó i gcárta poist.
Is féidir leat do phost a rianú ar líne anois le d’uimhir ordaithe nó rianaithe.

Tá ár bhFoirne Seirbhísí Custaiméara ar fáil le labhairt leat ó Luan go hAoine 9am-2pm agus ar an Satharn 9am-2pm.
Is féidir teagmháil a dhéanamh linn ar bhealaí éagsúla áfach.
Is féidir teachtaireacht a chur trí theachtaire príobháideach Facebook nó teachtaireacht dhíreach a chur ar Twitter @Postvox le híomhán den SMS nó den ríomhphost.

Dá luaithe is féidir leat glaoch, is ea is túisce is féidir linn gníomhú chun an cuntas agus an cárta a bhlocáil. Is é an bealach is tapúla le teagmháil a dhéanamh linn ná glaoch orainn. Má tá tú in Éirinn glaoigh ar 1800 267678 nó má tá tú lasmuigh d’Éirinn glaoigh ar 0044 115 9659218

Acmhainní Breise

Tugann an suíomh úsáideach gréasáin FraudSMART (a chruthaigh Cónaidhm Baincéireachta agus Íocaíochta na hÉireann) faisnéis fhóinteach go leor maidir leis na cineálacha calaoise a d’fhéadfadh cur isteach ort, mar aon le comhairle thábhachtach fhóinteach le tú a choinneáil ar an eolas. Tá faisnéis uasdátaithe acu freisin maidir le camscéimeanna nua.

An bhfuil amhras ort faoi theachtaireacht atá faighte agat?

Déan teagmháil lenár bhFoireann Seirbhísí Custaiméara le deimhniú go bhfuil sé dlisteanach.

Your journey will continue with An Post Insurance.

Please wait...

One Direct (Ireland) Limited, trading as An Post Insurance, is regulated by the Central Bank of Ireland.