Baineann na téarmaí agus coinníollacha seo le Seirbhís Atreoraithe Cónaitheach An Post (ar a dtabharfar feasta "an tSeirbhís"). Sna téarmaí agus coinníollacha seo tagraíonn an dara pearsa duitse an tIarratasóir ar an tSeirbhís agus an chéad phearsa do An Post, a bhfuil a oifig cláraithe aige ag Ard-Oifig an Phoist, Sráid Uí Chonaill Íochtarach, Baile Átha Cliath 1, D01 F5P2.
- Níl an tseirbhís ar fáil ach le post cónaitheach a bhfuil tú ina theideal a atreorú. Dearbhaíonn tú gurb é an seoladh nua atá luaite san iarratas agat Do sheoladh fíor agus ceart.
- Ní mór don iarratasóir/iarratasóirí a shíníonn an fhoirm seo a bheith 18 mbliana d'aois nó níos mó. Ní mór do thuismitheoir nó caomhnóir a n-ainm féin a shíniú ar son mionúir a iarrann an tseirbhís agus bliain bhreithe an mhionúir a iontráil mar a atá sonraithe.
- Beidh fógra cúig lá ar a laghad de dhíth orainn leis an tSeirbhís a chur i bhfeidhm.
- Beidh moill lá oibre amháin ar a laghad ar sheachadadh poist atreoraithe.
- Cuirtear lipéad nua seolta ar gach earra nó mála atreoraithe. Murar féidir earra poist a sheachadadh féadfar é a sheoladh ar ais chuig an seoltóir mar aon leis an lipéad seolta nua.
- Ach amháin i gcás atreorú sealadach, nuair a éagann an tSeirbhís féadfar gach post a sheoltar chuig do shean-seoladh a sheachadadh de réir an seoladh atá air nó a chur ar ais chuig an seoltóir, de réir ár nósanna imeachta oibriúcháin.
- Más mian leat an tSeirbhís a chealú ní mór Duit é a dhéanamh i scríbhinn. Ní aisíocfaimid an táille má chealaíonn tú an tSeirbhís tar éis dó tosú.
- Má tá post á sheoladh chuig níos mó ná seolaí amháin agus murar iarr ach duine amháin de na seolaithe an tSeirbhís déanfaimid seachadadh ar an bpost mar atá ar an seoladh agus ní dhéanfaimid atreorú air ach amháin má aontaíonn an dá pháirtí i scríbhinn go nglacfaidh duine acu nó tríú pháirtí leis.
- Ní dhéanfar atreorú ar earraí a seoladh le Seirbhís Beartán An Post (lena n-áirítear Post Cúiréara).
- Ní dhéanfaimid atreorú ar phost:
- D'iarratasóirí a bhfuil an t-ainm céanna acu le duine éigin a fhanann ag an seoladh a bhfuil an post le hatreorú as (m.sh. tuismitheoir nó leanbh leis an ainm céanna nó daoine a bhfuil na hinisil agus an sloinne céanna acu;
- a seoladh poste restante;ó choláiste, teach lóistín nó cóiríocht dá chineál a bhfuil pointe seachadta amháin aige;
- nó atá seolta chuig bosca OP.
-
Daoine Básaithe: Ní mór na coinníollacha a leanas a shásamh sula ndéanfaimid post a atreorú ar threoir ó sheiceadóirí nó riarthóirí eastáit.
1. Má d'fhág an duine básaithe uacht, ní mór do phrobháid na huachta a bheith leis an bhfoirm iarratais seo agus é sínithe ag na seiceadóirí go léir;
2. má d'fhág an duine básaithe uacht ach go raibh moill ar phrobháid a fháil, ní mór cóip den uacht agus litir ó na seiceadóirí a deir go bhfuil iarratas déanta ar phrobháid agus nach eol dóibh aon chúis nach ndeonófar é a bheith leis an bhfoirm iarratais seo agus é a bheith sínithe ag gach seiceadóir;
3. murar fhág an duine básaithe uacht, ní mór do litreacha riaracháin chuig eastát an duine básaithe a bheith leis an bhfoirm iarratais seo agus é a bheith sínithe ag riarthóirí an eastáit;
4. murar fhág an duine básaithe uacht agus mura bhfuil litreacha riaracháin ar fáil, ní mór Duit gealltanas i scríbhinn a fháil ó aturnae go gcuirfear litreacha riaracháin ar fáil laistigh de thréimhse réasúnta (m.sh. dhá mhí déag);
5. Forchoimeádfaimid an ceart cruthúnas doiciméadach breise a iarraidh maidir le teidlíocht aon iarrthóra chun post an duine básaithe a fháil.
12 Ní ghlacfaimid le hiarratais atreoraithe ó dhaoine a ghníomhaíonn thar ceann daoine a bheadh breoite, éagumasaithe nó ina choimircí cuairte mura bhfuil cruthúnas doiciméadach leis an iarratas atreoraithe maidir le húdarás dlíthiúil an iarratasóra post a atreorú agus/nó a fháil a bhfuil an t-iarratas atreoraithe déanta ina leith. Forchoimeádann an Post an ceart breis cruthúnais doiciméadach agus faisnéise a iarraidh.
13. Forchoimeádaimid an ceart an tSeirbhís a dhiúltú nó a scor dár lánrogha féin, lena n-áirítear, gan a bheith teoranta don Seirbhís a bheith do-oibrithe. Sa chás seo, aisíocfaidh An Post an táille a íocadh ar son na Seirbhíse ach ní bheidh aon dliteanas eile air.
14. Do Shlánaíocht: I gcomaoin na Seirbhíse seo a bheith á soláthar againn slánóidh tú Muid agus coinneoidh tú muid slánaithe go hiomlán agus go héifeachtúil ó agus i gcoinne aon chaillteanas, éileamh, damáiste, costas, muirear, speansas, dliteanas, éileamh, imeacht agus caingean a d'fhéadfaimis a fhulaingt nó a thabhadh agus iad uile, nó a d'fhéadfaí a thabhairt nó a bhunú inár gcoinne ag aon duine, a eascróidh as aon úsáid nó maidir le haon úsáid a bhaineann tú as an tSeirbhís de shárú aon cheann de na téarmaí agus coinníollacha seo.
15. Tá an comhaontú seo faoi riail ag dlíthe na hÉireann agus faoi réir ag dlínse eisiach na gcúirteanna Éireannacha.
16. Teorainn ar Dhliteanas: Tá ár ndliteanas as aon chaillteanas nó damáiste díreach a eascraíonn as an gconradh seo teoranta don táille a íoctar as an tSeirbhís. Ní bheimid faoi dhliteanas in aon chás mar gheall ar aon chaillteanas nó damáiste iarmhartach nó indíreach, lena n-áirítear gan teorannú, caillteanas ioncaim, úis, fóntais nó margaidh, cibé caoi a eascraíonn siad maidir leis an tSeirbhís.