Faisnéis Chustam
De bharr rialacha diana nua Custam an AE a rialaíonn earraí neamh-AE, a tháinig i bhfeidhm ar an 1 Iúil 2021, bíonn muirir CBL agus chustam le híoc anois nuair a cheannaítear earraí lasmuigh den AE. Tá An Post anseo le cabhrú leat agus an siopadóireacht ar líne a éascú duit.
Cabhraigh linn beartáin ón RA a shaoradh
Níl an saol éasca do bheartáin ón RA. Bíonn muirir chustam dlite ar sheachadtaí áirithe ón RA, ar nós an bheartáin seo de gheansaithe seanré Learphoill. Agus mura ndéileálann an miondíoltóir ar líne leo roimh ré, ní mór iad a íoc sular féidir le An Post do bheartán a sheachadadh. Le rudaí a dhéanamh níos éasca duit, seolfaimid cárta poist, ríomhphost nó téacs chugat nuair a bhíonn muirir chustam le híoc. Féadfaidh tú iad a íoc go héasca le haip An Post, ar anpost.com nó i d'oifig poist áitiúil. Nuair a bhíonn an íocaíocht déanta, déanfaimid an seachadadh laistigh de chúpla lá.
Mar sin, ná bíodh do bheartán ón RA ar an gcéatadán beag a sheoltar ar ais.
Ceisteanna coitianta faoi chustaim
Má tá muirir chustam dlite ar d’earra, gheobhaidh tú cárta poist sa phost le sonraí na muirear. Déanfaimid iarracht chomh maith ríomhphost agus/nó SMS a chur chugat leis na sonraí a thug an seoltóir dúinn (an miondíoltóir nó duine ar d’aithne).
- Más bronntanas é an t-earra nó nach ea, ní mór é a imréiteach trí na custaim. Beidh ort muirir chustaim a íoc mar atá ríofa le d’earra a fháil.
- Is féidir bronntanais a iompórtáil saor ó CBL agus muirir chustaim nuair a bhíonn luach an bhronntanais (lena n-áirítear costais árachais, lastas agus postais) cothrom le nó níos lú ná €45 agus an bronntanas fógartha amhlaidh le haghaidh cuspóirí custam srl.
- Tá faisnéis maidir le bronntanais ar shuíomh gréasáin na gCoimisinéirí Ioncaim.
Más mian leat an muirear custam ar d’earra a cheistiú cuir ríomhphost chuige-mail
eCommChargeQuery@anpost.ie le d’uimhir rianaithe, tagairt chustam, agus cóip den ordú ceannacháin bunaidh. Déanfaidh ár bhfoireann teagmháil dhíreach leat chun an fhadhb a réiteach.
- Má cuireadh d’earra ar ais chuig an seoltóir nó má tá tú ag feitheamh ar nuashonrú faoi d’earra, d’fhéadfadh sé nach raibh an dearbhú custam leictreonach a rinne an miondíoltóir/seoltóir maidir le d’earra imleor nó bailí dar le rialacháin na gCustam. Ní féidir le An Post dearbhú custam a leasú agus dá bhrí sin ní mór earraí le sonraí neamhiomlána a chur ar ais. Téigh chuig ár leathanach Cuir ar ais chuig seoltóir le haghaidh tuilleadh eolais.
- Ní mór don seoltóir na sonraí seo a leanas a chur ina ndearbhú leictreonach custam:
- Cód bailí HS/TARIC - bain úsáid as ár n-Uirlis Chód TARIC chun an cód ceart do na hearraí a aimsiú
- Tuairisc bhailí ar a bhfuil á sheoladh
- An tír as a tháinig an t-earra
- Luach an earra
- Sonraí postais, árachais agus lastais íoctha
- Ainm agus seoladh an tseoltóra
- Meáchan an phacáiste nó an bheartáin
- Ainm agus seoladh an tseolaí
- D’fhéadfadh na hearraí i do bheartán a bheith i gcatagóir earraí atá toirmiscthe nó srianta ag Coimisinéirí Ioncaim na hÉireann.
- Le haghaidh earraí nach bhfuil srianta/toirmiscthe, beidh ort a iarraidh ar an seoltóir dearbhú custam a chur faoi bhráid le sonraí iomlána nuair atá d’earra á athsheoladh. Cabhróidh Aimsitheoir Cód TARICle miondíoltóirí an fhaisnéis atá riachtanach a thuiscint.
- Cuirfear d’earra ar ais chuig an seoltóir mura mbíonn na muirir íoctha faoin ‘dáta íoctha’.
Is féidir do mhuirear custam a íoc mar a leanas:
-
Ar líne, le do chárta dochair/creidmheasa agus leis an uimhir thagartha Chustam a luaitear sa Chárta Poist/SMS/Ríomhphost; nó
-
in aon oifig poist, le do chárta dochair/creidmheasa nó le hairgead tirim. Tabhair leat an ríomhphost nó an cárta a fuair tú sa phost chuig an Oifig Poist.
-
Nuair a bhíon d’íocaíocht déanta, socróimid go ndéanfar seachadadh ar d’earra a luaithe is féidir.
- Má cheannaíonn tú earraí as lasmuigh den AE d’fhéadfadh muirir chustam a bheith le híoc orthu (Dleacht Custam, Dleacht Mháil, CBL) leis na Coimisinéirí Ioncaim.
- Bailíonn An Post na muirir chustam seo uait agus íocann sé iad leis na Coimisinéirí Ioncaim ar do shon.
- Tá dualgas ar An Post na muirir chustam seo a bhailiú, ní féidir leis An Post do chuid earraí a sheachadadh go dtí go mbíonn siad íoctha.
- Tá foireann d’oifigigh na gCoiminéirí Ioncaim lonnaithe in Ionad Poist An Post le maoirsiú a dhéanamh ar imréiteach custam na n-earraí iompórtáilte.
- Bíonn muirir chustam le híoc ar iomportáil fhormhór na n-earraí de réir na dlithe ábhartha. Bailíonn An Post na muirir seo agus íocann sé iad leis na Coimisinéirí Ioncaim ar do shon.
- Gearrann An Post táille riaracháin custam de €3.50 ar láimhseáil chustam earraí a iompórtáiltear ó thíortha lasmuigh den AE. Tá an táille seo sa bhreis ar aon dleacht nó CBL iníoctha leis na Coimisinéiri Ioncaim. Ní aon bhaint ag an táille seo leis an méid dleachta agus CBL iníoctha agus tá sé ann le costais riaracháin bhailiú agus phróiseáil na híocaíochta ón seolaí a chlúdach.
- De réir phrótacal Thuaisceart Éireann, ní bheidh CBL ná muirir chustam le gearradh ar bheartáin a thagann as Tuaisceart Éireann, ach ní mór iad a imréiteach trí Chustaim na hÉireann.
Acmhainní Custam
Má cheannaíonn tú earraí lasmuigh den AE, d’fhéadfadh muirir chustam (Dleacht Chustam, Dleacht Mháil, CBL) a bheith iníoctha leis na Coimisinéirí Ioncaim. Bailíonn An Post na muirir chustam seo uait agus íocann sé iad leis na Coimisinéirí Ioncaim ar do shon. Is féidir iad a íoc ar líne nó i d’oifig poist áitiúil.
Íoc Muirir Chustam
Siopadóireacht ar líne, ar fud an domhain.
Cé go bhfuil muirir ann, is féidir fós siopadóireacht a dhéanamh go héasca ar líne. Tá siopadóireacht ar líne sábháilte agus áisiúil, tá níos mó daoine ag siopadóireacht ar líne agus tá amanna seachadta don chuid is mó de bheartáin ríomhthráchtála níos tapúla ná riamh. Tá siopadóireacht ar líne ag dul ar aghaidh go réidh go háitiúil in Éirinn, le soláthraithe AE agus le miondíoltóirí móra idirnáisiunta ar nós Amazon, Marks & Spencer, agus River Island, atá freagrach as formhór na mbeartán a thagann isteach in Éirinn.
Ach bíonn moill áirithe ann mar gheall ar fhadhbanna ar nós miondíoltóirí nach soláthraíonn go leor de na cáipéisí leictreonacha a éilítear le rialacháin Chustam. Molaimid do chustaiméirí a fhaigheann beartáin as lasmuigh den AE seiceáil leis an seoltóir go bhfuil na cáipéisí cuí á gcomhlánú acu le haghaidh na mbeartán a sheolann siad. Is féidir tuilleadh comhairle a fháil sna Ceisteanna Coitianta.
Léigh ár dtreoir don siopadóireacht ar líne
Is féidir ár dtreoir don siopadóireacht ar líne a íoslódáil chomh maith anseo.
Tá Treoir An Post i gceist le haghaidh faisnéise amháin. Tá ceannachán earraí ar líne lasmuigh den AE (RA san áireamh) faoi réir ag reachtaíocht Custam agus CBL an AE. Tá tuilleadh faisnéise ar fáil ar Shuíomh na gCoimisinéirí Ioncaim.
Príomhathruithe
Má cheannaíonn tú earraí ar líne lasmuigh den Aontas Eorpach (AE) d’fhéadfadh muirir chustam (CBL, Dleacht Chustam, Dleacht Mháil) a bheith iníoctha agat. Baineann na muirir seo le hiompórtáil do chuid earraí de réir reachtaíocht ábhartha an AE, tá breis faisnéise ar Shuíomh na gCoimisinéirí Ioncaim.
Ní bheidh aon athrú ar an chuid is mó de do shiopadóireacht ar líne mar go gcuirtear CBL agus muirir chustam i bhfeidhm ag an gcuntar amach ag na miondíoltóirí is mó a ndéanann An Post seachadadh ar a son, agus ní gá aon rud eile a dhéanamh don seachadadh.
Mura gcuirtear CBL agus muirir chustam i bhfeidhm ag an gcuntar amach, féadfaidh na Coimisinéirí Ioncaim muirir a ghearradh nuair a thagann do chuid earraí go hÉirinn.
Ceannach ó mhiondíoltóirí neamh-AE níos lú
Mar gheall ar thionchar na Breatimeachta, tá moill mhór ar chustaiméirí áirithe in Éirinn a cheannaíonn ó mhiondíoltóirí neamh-AE níos lú nó miondíoltóirí sainiúla, nó níl na hearraí á bhfáil acu ar chor ar bith. Cuirtear isteach ar bheartáin bhronntanais a chuireann gaolta agus cairde sa Bhreatain chuig seoltaí in Éirinn chomh maith.
Eascraíonn sé seo as riachtanas an AE le haghaidh cáipéisí leictreonacha breise agus níos mó earraí a bheith srianta nó toirmiscthe ó theacht isteach in Éirinn ó mhargaí neamh-AE. Níl a lán miondíoltóirí beaga, níos sainiúla sa Bhreatain eolach ar an riachtanais seo agus/nó níl na córais riachtanacha siopadóireachta ar líne suiteáilte acu le díol in Éirinn, agus bíonn moill ann do chustaiméirí nó seoltar earraí ar ais nuair a thagann siad go hÉirinn.
Le haghaidh tuilleadh eolais faoi ordú ar líne ó mhiondíoltóirí idirnáisiúnta, téigh chuig ár leathanach ar rialacha custam atá i bhfeidhm ar fud an domhain.Tá treoir maidir le ceannach ó shuímh ghréasáin sa RA ag an AE le tuilleadh comhairle.
Miondíoltóirí ar líne An Post
Miondíoltóir*
|
Tír
|
River Island |
RA |
Amazon |
RA |
Holland and Barrett |
RA |
ASOS |
RA |
Marks & Spencers
|
RA
|
Sweaty Betty
|
RA
|
L'Occitane
|
RA
|
* Tá cuid de mhiondíoltóirí ar líne An Post sa liosta seo. Seiceáil ar ais le haghaidh nuashonruithe.
Bronntanais ó ghaolta agus cairde
Tá sonraí bailí leictreonacha riachtanach le haghaidh bronntanas faoi luach €45 (postas san áireamh) ó thíortha neamh-AE ach ní gá custaim ná CBL a íoc orthu. Déan cinnte go n-insíonn tú do chairde agus gaolta nach mór sonraí leictreonacha a bheith le hearra nuair a sheoltar é. Gearrtar táille custam ar bhronntanais níos mó ná €45, íoctha ag an fhaighteoir.